Arabic
ازاي تختار التكييف المناسب للبيت
التكييفات بأنواعها المختلفه اليوم أصبحت موضوع حيوي ومهم جدا، وخاصة مع درجات الحرارة العالية، والموجة الحارة الي بنعيشها من وقت للثاني في موسم الصيف.
والأهم أنك تعرف أزاي تختار التكييف المناسب للبيت، هايحصل دة من خلال مقالنا الي هيعرفك اسعار تكييفات الهواء، وأيه هي أنواعها، والي منها يتناسب مع مساحة المكان الي هيتحط فيه، وازاي تقدر تستخدمه، ويكون آمن ليك ولإسرتك.
أولا: لازم نفرق بين: التكييف البلازما والعادي
بإختصار شديد التكييف العادي ما فيهوش فلتر، ولكن تكييفات البلازما فيها فلتر
طب أيه هي وظيفه الفلتر؟
- بيخلي التكييف، مش بس بيغير ويحافظ على درجة الحرارة، دة كمان بيخليه يقضي تماما على الأتربة، والحاجات الضارة الي مش متشافة زي الجراثيم والميكروبات، والحشرات.
- الفلتر من وظيفته أنه بيقلل من مجهود المكيف، مع الإعتماد على الكهربا بشكل مستمر.
ثانيا: التكييف البارد والتكييف الساخن
كثير من التكييفات مزودة بخواص التبريد والتسخين، عشان يخلي الجو منعش في الصيف، ودافئ الشتاء، ولكن الأنواع الأكثر مبييعا وإنتشارا التكييفات المبردة للهواء.
ثالثا التكييفات الثابتة، والتكييفات إلي بتتحرك
التكييف الثابت أو يقال عنه أنه مركزي دة ممكن يوزع برودة ويغطي حجرات كتير حسب درجته، وتكوينه، وقدرته، لكن المتنقل بيبرد غرفه واحدة، يعني بتنقله للمكان الي انت متواجد فيه مش بس كدة، أنت تقدر تسافر وتتحرك بيه في المكان أنت عاوزة خاصة في السفر
رابعا التكييف اسبليت وتكييف الشباك
مهم أوي تعرف الفرق بين تكيف الشباك، واسبليت
تكييف الهواء اسبليت دة بيكون ليه جزئين، ودرجة حرارته بتغطي مساحات كبيرة من شقتك أو من مكتبك ودة بيكون منتشر أكتر في الهيئات والشركات، والمنازل للي بيقدمه من مميزات.
تكييف الشباك ما يقلش أهمية عن التكيف اسبليت بس دة ليه شروط أنه لازم يتحط على فتحة شباك، أو فتح له مكان مخصص، ومن عيوبه أنه صوته عالي ومزعج، وكمان صعب في تنظيفه.
خامسا التكيف وقدرته وديه الي بتترواح معانا من حصان إلى 8 حصان
ودة مرتبط أكتر بمساحة الحجرة بمعنى:
- لو هتحتاج التكييف لتبريد مساحة صغيرة ولو تكن 8 أمتار كدا هتحتاج تكييف 1 حصان.
- لكن لو هتزيد في المساحة إلى 10 أمتار، هنا هتحتاج 1.25 حصان.
- لو مساحة حجرتك، أو غرفه المكتب الخاصة بك 12 متر وقتها هتحتاج إلى واحد ونص حصان.
- لو عايز التكييف يغطيلك مساحة 16 متر، يبقا تجيب تكيفك 2 حصان عشان تحس بالإنتعاش في كل مكان في الحجرة.
- لو مساحتك 20 متر مربع هتحتاج تكييف 2.5 حصان.
- لو المساحة 23 متر مربع كدا هتحتاج تكييف 3 حصان.
- لو مساحه المكان وصلت إلي 30 متر هتاقي المناسب ليك هو تكييف 4 حصان.
- لو مساحة هيئتك أو المكان 38 متر يبقا الي يقدر يغطية تكييف بقدرة 5 حصان.
- لو المساحة 46 متر مربع هتحتاج لتكييف بقدره 6 حصان.
أزاي نعرف أن التكيف وقدرته مناسبه للمساحة.
هنحسب حسبه بسيطة قبل ما نشتري التكييف هو المكان الي هحطه فيه حار جدا، ولا متوسط الحرارة.
بعدها نضرب كلا من طول الحجرة في العرض والإرتفاع مضروبا في 250 لو كان المكان متوسط الحرارة، ولوعالي نضرب في 300.
من أكثر أنواع التكييفات إنتشارا في السوق
- هي تكيفيات شارب، والغنية عن التعريف والتابعة لضمان العربي وموصى بها من أكثر من مستخدم.
- تكيفيات تورنيدو إنتشرت برضو في الفترة الأخيرة، أسعارهم مناسبة، وفيهم أنظمة حماية، وسرعتهم قوية وليك حرية الإختيار.
- منقدرش ننسى تكييفات كاريير و ميديا اللي ليها حصة سوقية كبيرة جدا بين الماركات
- و معاهم طبعا تكييفات ال جي بتكنولوجيا ال dual inverter
من هنا ممكن نقدملك نصايح تاخد بالك منها وانت بتشتري تكيفك
- إبعد عن تكييف الشباك، صيانته مش بتكون متوافره وكفء زي تكييف اسبليت، غير صوته العالي.
- لازم تحسب الحسبة كويس عشان يكون التكييف قدرته متناسبة مع مساحتك، انه هيضرك في أنه هايبوظ أسرع، هيستهلك منك كهربا أكتر فخلي بالك.
- أشتري التكييف اللي كله بيشكر فيه، ومعروف ضمانه ووفرة في قطع غيارة.
- حاول أن تركيب التكييف مأيثرش على شكل المكان بتكسير حائط، كمان ما يأثرش على عداد الكهرباء.
