ازاي تحققي اكتر استفاده من العجان

العجان  أو الميكسر من الأجهزة المهمة الي بتساعد ربات البيوت على عمل الكيكات، والمعجنات بمختلف أشكالها، وأنواعها، وكذلك أنواع كتير من الأطعمة وبكميات كبيرة مع وقت ومجهود أقل

فيه كتير بيتساءلوا حول الفرق بين مضرب البيض الكهربائي والعجان، واحنا هنا هنقولك الفرق ما بينهم، وهنقوك ازاي تحققي اكتر استفادة من العجان

مهم جدا نفهم الفرق بين المضرب والعجان

المضرب الكهربائي:

يتم إستخدامه مع الوصفات الخفيفه، وخلط المواد وخفقها، وبيكون تقليدي اكثر واكتر تدوالا في بيوتنا، وسعره بسيط جدا وليه ماركات، فرنساوي، أو تركي، وغيره

العجان:

بيكون ليه إستخدامات اكتر من المضرب ودة لإنه بيعمل العجائن التقيلة وليه ماركات عالمية أبرزها كينوود، والمولينكيس، وبيتحدد سعره في ضوء قوته وسرعته وقوة الموتور، والسعه  والي بتبدا من 400 وات إلى 1000 وات ووسعره بيكون أغلى من المضرب.

أسلحة العجان:

اداه ملحق المضرب

ودي بيتم إستخدامها لضرب البيض مع السكر ولعمل الكيكة الإسفنجية عشان تكون ناجحه، ولكن مع مراعاه عدم ضرب المواد الغذائية الباردة لعدم قدرة السلاح على مقاومتها، وهو من أكثر الأدوات في العجان إستخداما، وبيستخدم مع الأطعمة المالحة كمان.

الخفاقة

ودة سلاح بيستخدم للم العجينة من جميع الأطراف، وتخليصها من الهوا وهو من أهم الأسلحة، ومع العجن بيكون العجين أملس وناعم جدا.

سلاح الكيك

يستخدم لدعك الزبدة مع السكر، وبرضو بيقدر يخلص العوالق والعجينة اللي في الأطراف

الحلزون أو الهوك

ودة لإن شكله حلزوني إتسمى بالأسم دة، بيستخدم مع المخبوزات سواء كان عيش أو  كورواسو، والبيتزا و العجائن الصعبة عموما.

أزاي بتستخدمي العجان

  1. اول حاجة لازم يكون الجهاز موضوع بطريقه صح، وتحريك الأداة باليد قبل البدء في التحريك عشان تضمني سهوله إستخدامه.

  2. بتحطي كل المسحوق البودرة سواء الدقيق أو البيكنج بودر، الفانليا.

  3. قومي بإضافة المواد السايلة للبودر، يعني ممكن تضيفي الماء أو اللبن ولكن على مراحل عشان تكون عجينتك ناجحة تماما وبالقوام الي بترغبي فيه.

  4. هنا بقا دور العجان بإنك تبرمجيه على السرعة الي تمشي مع نوع العجينة سواء كانت لبيتزا أو كيكة أو خبز، ودة واضح على العجان هتلاقيهم واضحين جدا يعني زرار بحرف K سرعته بتتناسب مع العجاين البسيطة لكن حرف L دة بيكون للمعجنات الصعبة.

  5. خلي بالك متوقفيش الجهاز إلا أما تتأكدي أنك خلصتي عجن تماما.

  6. وانتى شغالة في العجن متخليش الجهاز شغال بشكل متواصل لازم توقفي الجهاز وترجعي تشغليه تاني على فترات، ودة عشان تريحي الموتور.

  7. وانتي عاوزة تنظفي جهاز العجان يستحب أن تستخدمي منديل أو قماش مبتل، وبعدها التنشيف بمنديل آخر، غير مفضل وضعة بالكامل في الماء حتى لا تهلكيه.

  8. وفيه مواد مخصصة للدهون أو أي شئ ممكن يكون عالق بالجهاز بتسهل عليكي عمليه نظافته.

نصائح يمكنك إتباعها عند شراء العجان كهربائي

  • أن تكون العجانة سهله في إستخدامها وواضحة، وكمان سهل على ست البيت تنظيفها ودة الي يهمها.

  • لو نويتي بالفعل تشتري جهاز عجان كهربائي لازم تختاري أجود الأنواع لإنها كل ما كان نوعها أحسن كل أما ريحتك في الإستخدام، وكانت أكثر في مميزاتها.

  • فيه عجانات متوافرة في الأسواق وعائها زجاجي، دي مش عمليه إطلاقا، هي هتديلك إنطباع أحسن وهاتحببك في عمل المأكولات والمعجنات عشان انتى بتكوني شايفه دة بشكل مباشر ولكن ممكن تتكسر منك وبالتالي فقدي العجان فالأفضل ليكي الإستانلس، على أنه يكون مبيصديش بسهولة.

  • وعاء العجان بأحجام مختلفة إختاري منها الي يناسب عدد أفراد أسرتك.

  • إختاري العجان اللي الوات بتاعة أكبر، لإنه بيكون أقوي وبيوفر عليكي كثير.