English
غسالة الأطباق اليوم بقت شئ ضروري لكل ربه منزل، فوفرت عليها الكثير، وخلصتها من مهمة تشكل عبء يومي عليها.
تزداد أهميتها في أوقات الإحتفالات والعزايم، فضروري جدا تعرفي ازاي تحافظي على غسالة الأطباق، من هنا بنوفرلك مجموعة من النصائح لازم تتبيعيها، أيا كان نوع غسالة أطباقك، والي متاخدة من خبرة ربات البيوت.
نصائح مميزة لغسالة الأطباق
- عليكي إختيار المسحوق الجيد، وإختيار كمية مسحوقك بالتعليمات الموجودة والملحقة بغسالتك بمعني وانتى بتغسلي أطباقك لا يفضل أن تكتري من سوائل التنظيف والمساحيق يعني درج الغسالة مش لازم تمليه لأخره سيبي جزء منه فاضي، لإن دة هيزود الرغوة ويصعب في غسل الأطباق.
- قبل ما اتحطي الأطباق في الغسالة شيلي الدهون وبواقي الأكل، وشطفها بماء فقط، وبعدها ضعي أطباقك في غسالة أطباق .
- وانتى عاوزة تغسلي اطباقك الإستانلس أو غيرها مش ضروري تحطيلها مبيض قوي، يعني يفضل تستخدمي مع أطباقك مبيض مخفف بالماء.
- ممكن تنظفي غسالة أطباقك بالخل ودة لإن له مفعول سحري في المحافظة على نظافتها، عن طريق أنك تجيبي كوب خل وتحطيه فيها وهي فاضية، وتشغليها لحد أما الخل ياخد دورة كاملة أو نص دورة حتى إتمام نظافتها، ودة بيكون على الأقل مرة شهريا كتطهير ليها من أي شوائب، عن طريق أنك تشغليها لوحدها من غير سوايل أو مساحيق 5 دقايق مثلا، ثم تضعي الماء والخل، وبعد الدورة، تفصلي الكهرباء، وتعيدي بفوطة مبللة على الأركان والزوايا لإزالة العوالق من فتات الطعام، أو بفرشاه أسنان مش محتاجها.
- الغسالة من الداخل ممكن تغسليها زي ما بتغسلي الثلاجة والبوتجاز ويستحب أن دة يحصل مرة كل 6 شهور.
- غسالات الأطباق بوجة عام لازم تشغليها بشكل منتظم لإن تكوينها من جوة ممكن ينشف وميسعدكيش على نظافة الأواني، طب دي تتحل أزاي ؟! أنك ممكن تشغلي الغسالة حتى و فاضية من وقت للتاني سواء يوميا أسبوعيا عشان مكوناتاها الداخليه متبوظش معاكي، ومتجفش.
- ستات كتير بتعاني من روايح غسالتها الكريهة، هنا بنقولك تحطي صودا الخبز هتلاقيها عند محلات المنظفات، أو في محلات العطارة، ودي بتتحط في الغسالة في جزءها السفلي، وتشغليها بصودا الخبز تاخدلها دورة، ولو هتستخدمي الخل خليه في يوم تاني متحطيهمش مع بعض لإن كميائيا صودا الخبز والخل بيتفاعلو مع بعض.
- لو كانت غسالتك فيها صدأ تعملي أيه؟ بتجيبي مساحيق خاصة بإزالة الصدأ غسالات الأطباق وتغسلي بيها غسالتك كويس.
طيب بنظف غسالة الأطباق أزاي وأيه فيها إلي بيتغسل بظبط؟
أولا/ الفلتر: بتحاولي تخلصي الفلتر من فضلات الأكل والعوالق الي فيه، ودة بيكون في نوع غسالات معينة مش في كله، وفيه غسالات تانية فيها شبه سلة بتجمع فيها بواقي الأكل في الوقت دة بتستخرجيها وتفضيها وتغسليها كويس بالخل للنظافة والتعقيم.
ثانيا/ ذراعات الرش: بتخرجي أذرع الرش الخاصة بغسالة أطباقك وتنقيعها في مياه سخنه، وخل، هتلاقي الأذرع دي فيها ثقوب صغيرة ممكن يكون عالق بها بواقي طعام، أو أتقفلت من دهون الأطباق في الحالة دي بتسلكيها بحاجة رفيعة كسلاكة الأسنان مثلا، وممكن برضو تنظفي الأذرع وثقوبها بمنظف الأنابيب دة أفضل وهايخلصك من الفضلات.
- لو تعذر عليكي أمر في غسالتك فجأة لقتيها مبتنظفش، أو مبتسخنش المياة، أو المياة بتتجمع فيها، رغوتها زايدة عن اللازم في الوقت دة ممكن تكلمي خدمة العملاء الخاصة بالأعطال وتفهيمها الأمر ممكن يجولك وممكن يدلوكي على حل بسيط.
- قبل ما تحطي أطباقك، يوجد في أي غسالة خاصية التخلص من بواقي الأكل شغلي الخاصية دي الأول وبعد كدا أبداي دورتك وحطي أطباقك.
- لو لقيتي مياة الرشاش فيها حاجة أتاكدي أنكمش حاطة أواني طويله مانعة حركتها.
- غسالة الأطباق متعلقة بالسخان، يعني أيه يعني أتاكدي تماما من وصول مياه السخان إلى الغسالة عشان لو مش واصلة أو متأخرة ممكن دة يأثر على الغسل ومتنظفش بكفاءة.
